بادغیس؛ مرکز قلعه نو کې د ۳۲ ورزشکارانو ترمنځ د سیمه ییزې غېږنیونې ټاکنیزې سیالۍ ترسره شوې
د بادغیس ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت مرکز قلعه نو ښار په ورزشي سټېډیوم کې د ۳۲ ورزشکارانو ترمنځ د سیمه ییزې غېږنیونې ټاکنیزې سیالۍ ترسره شوې.
په دغو سیالیو کې د کال غوره پهلوان میرویس شیر له بادغیس څخه وټاکل شو.
د یادو سیالیو موخه د کال غوره پهلوان ټاکل و، چې درې ورځې یې دوام وکړ.
د سیالیو په پای کې د بادغیس ولایت ورزشي امریت له لوري ټاکل شوي پهلوان ته ستاینلیک او ورزشي ډالۍ ورکړل شوې.
