بادغیس؛ مرکز قلعه نو ښار کې د ۱۰ لوبډلو ترمنځ د فوټسال سيالۍ پيل شوې
د بادغیس ولایت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز قلعه نو ښار کې د « ځوانانو د يووالي» جام په نوم د ۱۰ لوبډلو ترمنځ د فوټسال سيالۍ پيل شوې.
د دغو سياليو په لومړۍ لوبه کې شمشاد لوبډلې خپلې سیالې کهکشان لوبډلې ته د ۵/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټسال ورزش ته وده ورکول او د ځوانانو هڅول و، چې دوې اونۍ يې دوام وکړ.
