بادغیس؛ قادس ولسوالۍ کې د اتو لوبډلو ترمنځ د فوټبال سیالۍ پيل شوې
د بادغیس ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په قادس ولسوالۍ کې د اتو لوبډلو ترمنځ د یووالي په نوم د فوټبال سیالۍ پيل شوې، چې دوې اوونۍ به دوام وکړي.
د دغو سیالیو په لومړۍ لوبه کې صارم ورګل لوبډلې خپلې سیالې بدري سبز علي لوبډلې ته د ۳/۲ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د ورزشکارانو ترمنځ یووالی رامنځته کول او د فوټبال ورزش ته د ځوانانو هڅوول دي.
