افغان فوټسال لوبډلې د ګرین لنډ لوبډلې ته ماتې ورکړه
د افغانستان فوټسال ملي لوبډلې د برازیل فوټسال څلور اړخیزو نړيوالو سیالیو کې، چې د دغه هېواد په کوربهتوب ترسره کېږي، د ګرین لنډ فوټسال ملي لوبډلې ته د ۵ – ۴ ګولونو په توپیر ماتې ورکړه.
په دغه سیالۍ کې امید قنبري، خداداد ابراهیمي، فرزاد محمودي او بخمن ګرګیچ د افغانستان په ګټه ګولونه ووهل.
د یادونې وړ ده، چې د افغانستان فوټسال لوبډله به سبا د (مارچ پر اتمه) خپله دویمه سیالي له برازیل فوټسال لوبډلې سره وکړي.
د برازیل فوټسال څلور اړخیزې نړيوالې سیالۍ د افغانستان، ایران، ګرین لنډ او برازیل هېوادونو په ګډون، د روان میلادي کال د مارچ میاشتې پر درېیمه پیل شوي او د همدې میاشتې تر نهمې نېټې به دوام ولري.
