ارزگان؛ چوره ولسوالۍ کې د ۲۶ لوبډلو ترمنځ د ټېپ بال کرکټ سيالۍ پای ته ورسېدې
د ارزگان ولايت د بدني روزنې او سپورټ آمريت اړوند د ټېپ بال کرکټ فدراسيون د استازولۍ له لوري د دې ولايت په چوره ولسوالۍ کې د ۲۶ لوبډلو ترمنځ د يووالي او پرمختگ په نوم د ټېپ بال کرکټ سيالۍ د کيطو ځوانانو لوبډلې په اتلولۍ پای ته ورسېدې.
د يادو سياليو پايلوبه د کيطو ځوانانو او خپلواک لوبډلو ترمنځ ترسره شوه، چې په پايله کې خپلواک لوبډلې په ټاکلو ۱۲ اورونو کې خپلې سيالې لوبډلې ته د ۱۲۹ منډو هدف کېښود، کيطو ځوانانو لوبډلې ياد هدف په نهم اور کې ترلاسه کړ او د اووه ويکټو په توپير يې بريا خپله کړه.
د يادونې وړ ده، چې دغو سياليو شاوخوا يوه مياشت دوام وکړ.
