اذربایجان؛ د تکواندو په روزنیز ورکشاپ کې څلور افغان استازي برخه لري
په پام کې ده چې د آذربایجان د پلازمېنې باکو په کوربه توب د تکواندو د لوبڅارنې دوه مهم سیمینارونه ترسره شي چې له افغانستان څخه به څلور تنه استازي پکې شتون ولري.
د تکواندو د لوبڅارنې په ۱۱۶ پړاو کې له افغانستان څخه تکواندو فدراسیون سرلوبڅار عبدالرحیم علیزی او د تکواندو فدراسیون د باندنیو اړیکو مسؤل ډاکتر حبیب الله حیدري ګډون کړی.
د ریفرش کورس یا په تکمیلي ۱۳۰ مه دوره کې بیا د تکواندو ملي فدراسیون مشر او نړیوال لوبڅار ډاکتر نجیب الله سکندري، د هېواد لومړی درجه او نړیوال لوبڅار حاجي عبدالصبور عمري ګډون لري.
دوی تر دې پخوا خپلې لومړني روزنیز پړاوونه په آنلاین تېر کړي او د حضوري ګډون شرائط یې پوره کړي وه.
د یادونې وړ ده چې یاد دوه سیمینارونه به د مې میاشته له ۱۱ تر ۱۴ نېټې پورې د تکواندو نړیوال فدراسیون تر څارنې لاندې ترسره شي.
