بلخ؛ مرکز مزار شريف ښارکې د ١٦ لوبډلو ترمنځ د واليبال سيالۍ پای ته ورسېدې
د بلخ ولايت د بدني روزنې او ورزش رياست اړوند د واليبال فدراسيون د استازولي له لوري د ياد ولايت مرکز مزار شريف ښار کې د ١٦ لوبډلو ترمنځ د واليبال سيالۍ د محمد بلخابي لوبډلې په اتلولي پای ته ورسېدې.
د یادو سیالیو پایلوبه د محمد بلخابي او دهدادي ځوانانو لوبډلو ترمنځ ترسره شوه، چې په پایله کې یې محمد بلخابي لوبډلې د ٣ پر صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دغه سيالۍ والیبال لوبې ته د ودې ورکولو په موخه ترسره شوې چې په پایله کې لومړي مقام ګټونکې لوبډلې ته لس زره او دویم مقام ته پنځه زره افغانۍ د ډالۍ په توګه ورکړل شوې.
