کابل کې د ۱۱۰ کورشکارانو ترمنځ د کابل ښار د کورش ټاکنیزې سیالۍ پيل شوې
د المپيک کمېټې، بدني روزنې او ورزش عمومي ریاست اړوند د کورش ملي فدراسیون له لوري د یاد ریاست په ۲۵۰۰ کسیز جمنازیوم کې د کابل ښار له ۹ کلبونو د ۱۱۰ کورشکارانو ترمنځ د کابل ښار د کورش ټاکنیزې سیالۍ پيل شوې.
دغه سیالۍ د لویو ورزشکارانو په عمري کټګورۍ او اوو بېلا بېلو وزني کلاسونو کې پيل شوې، چې په پایله کې به له هر کلاس څلور کورشکاران، چې ټول ۲۸ کورشکاران کېږي د کابل ښار د کورش منتخبې لوبډلې ته وټاکل شي.
د یادو سیالیو موخه د کابل ښار د کورش منتخبې لوبډلې ته د غوره کورشکارانو موندل دي، چې څو ورځې وروسته به د کورش ملي سیالیو کې هم ګډون وکړي.
