تخار؛ دشت قلعه ولسوالۍ کې د ۲۲ لوبډلو ترمنځ د والیبال سیالۍ پای ته ورسېدې
د تخار ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په دشت قلعه ولسوالۍ کې له مرکز او ولسوالیو د ۲۲ لوبډلو ترمنځ د والیبال سیالۍ د امو طوفان لوبډلې په اتلولۍ پای ته ورسېدې.
دغو سیالیو، چې دوې ورځې یې دوام وکړ، په پایلوبه کې د دشت قلعه امو طوفان لوبډلې خپلې سیالې خواجه غار ولسوالۍ منتخبې لوبډلې ته د ۳/۰ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول او د ورزشکارانو ترمنځ یووالی رامنځته کول و.
د سیالیو په پای کې غوره لوبډلې ته نغدي ډالۍ ورکړل شوې.
