کابل؛ د هېواد د ورزش ادارې رهبري د قطر سفارت له استازي مردف علي القاشوطي او ورسره مله پلاوي سره وکتل
د افغانستان د المپیک، بدني روزنې او ورزش لوی رئیس مولوي احمدالله وثیق او د یاد ریاست نورو مسؤولانو د قطر له استازي مردف علي القاشوطي او ورسره مله پلاوي سره وکتل.
په دغې کتنه کې د افغانستان د ورزش کارانو په کورنیو او بهرنیو لاسته راوړنو، ورزشي رشتو او لوبو باندې خبرې وشوې.
ښاغلي احمدالله وثیق د افغانستان د ورزش په وروستیو درې کلنو لاسته راوړنو او تر نړۍوال جام پورې د افغانستان د فوټسال ملي لوبډلې د رسېدو په اړه بشپړ معلومات وړاندې کړل.
همداراز په کابل کې د قطر سفارت استازو هم د افغانستان له ورش او ورزش کارانو سره د هر اړخیزې مرستې ډاډ ورکړ.
