تخار؛ ینګۍ قلعه ولسوالۍ کې د اتو لوبډلو ترمنځ د فوټبال سیالۍ د سرحد لوبډلې په اتلولۍ پای ته ورسېدې
د تخار ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په ینګي قلعه ولسوالۍ کې د اتو لوبډلو ترمنځ د فوټبال سیالۍ د سرحد لوبډلې په اتلولۍ پای ته ورسېدې.
د دغو سیالیو پایلوبه د سرحد او امو لوبډلو ترمنځ په ټاکلي وخت کې مساوي پای ته ورسېده، خو د سرحد لوبډلې په پنالټیو کې سیالې امو لوبډلې ته د ۴/۱ ګولونو په توپير ماتې ورکړه او اتلولي یې خپله کړه.
هېره دې نه وي دغو سیالیو پينځه ورځې دوام وکړ او موخه یې د نېکمرغه لوی اختر نمانځل او خلکو ته یوه سالمه تفریح برابرول و.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته چمتو شوي مډالونه ورکړل شوه
