لغمان؛ په الينگار ولسوالۍ کې د ۳۲ لوبډلو ترمنځ د واليبال سيالۍ پای ته ورسېدې
د لغمان ولايت د بدني روزنې او سپورټ امريت اړوند د واليبال فدراسيون د استازولۍ له لوري د ياد ولايت د الينگار ولسوالۍ په سنگره کلي کې د ۳۲ لوبډلو ترمنځ د نشه يي توکو پر وړاندې د مبارزې په موخه د واليبال سيالۍ د کندي کلب لوبډلې په اتلولۍ پای ته ورسېدې.
د يادو سياليو په پايلوبه کې کندي کلب لوبډلې سيالې خالد بن وليد لوبډلې ته د ۱/۲ ميدانونو په توپير ماتې ورکړه او بريا يې خپله کړه.
دغه سیالۍ، چې شاوخوا ۲۲ ورځې يې دوام وکړ، په پای کې اتلې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
