پکتيکا؛ اتحاد لوبډلې د برمل ولسوالۍ د واليبال سياليو اتلولي وگټله
د پکتيکا ولايت د بدني روزنې او ورزش امريت اړوند د واليبال فدراسيون د استازولۍ له لوري د برمل ولسوالۍ په لړ کلي کې د ۱۲ لوبډلو ترمنځ د واليبال سيالۍ د اتحاد لوبډلې په اتلولۍ پای ته ورسېدې.
د يادو سياليو په پايلوبه کې اتحاد لوبډلې سيالې مهاجرینو لوبډلې ته د ۱/۳ ميدانونو په توپير ماتې ورکړه او اتلولي يې په خپل نوم کړه.
د دغو سياليو د ترسره کېدو موخه لیرې پرتو سیمو کې ورزش ته وده ورکول ښودل شوي و، چې يوه اوونۍ يې دوام وکړ او په پای کې لومړي او دويم مقام گټونکو لوبډلو ته کپونه او غوره لوبغاړو ته بېلابېلې چمتو شوې ډالۍ ورکړل شوې.
