کندز؛ امام صاحب ولسوالۍ کې د څلورو لوبډلو ترمنځ د فوټسال سیالۍ ترسره شوې
د کندز ولایت د بدني روزنې او ورزش ریاست له لوري د یاد ولایت په امام صاحب ولسوالۍ کې د فوټسال ورزشي لوبغالي د پرانیستې په موخه د څلورو لوبډلو ترمنځ د فوټسال سیالۍ ترسره شوې.
په دغو سیالیو کې د تخار ولایت خواجه غار ولسوالۍ څخه د اینه امید لوبډلې ، د کندز ولایت ګلباد ولسوالۍ څخه موج های امو لوبډلې او د کندز امام صاحب ولسوالۍ څخه د جوانان شهرک باسوس او د ستاره ها لوبډلو ګډون کړی و.
په پایلوبه کې ستاره ها لوبډلې وکولای شول خپلې سیالې جوانان شهرک باسوس لوبډلې ته د ۱۱/۶ ګولونو په توپیر ماتې ورکړي او اتلولي یې په خپل نوم کړه.
هېره دې نه وي، چې یاد د فوټسال لوبغالی د امام صاحب ولسوالۍ د درې تنو ځایی اوسېدونکو هریو سید جمال الدین فطرت ،غلام محمد ملکزاده او فقیرالله امین په مالي لګښت د ۵۰۰۰۰ زره ډالرو په ارزښت جوړ شو.
