سرپل کې د فوټبال الف ليګ سيالۍ د ابراهیم بن ادهم لوبډلې په اتلولۍ پای ته ورسېدې
د سرپل ولايت د بدني روزنې او ورزش امريت اړوند د فوټبال ملي فدراسيون د استازولۍ له لوري د ياد ولايت په مرکز ښار کې د ۹ لوبډلو ترمنځ د فوټبال الف ليګ سيالۍ د ابراهیم بن ادهم لوبډلې په اتلولۍ پای ته ورسېدې.
دغه سيالۍ د ليګ په ډول ترسره شوې، چې په پايله حضرت ابراهيم بن ادهم لوبډلې لومړی او بلغلي خاقاني لوبډلې بیا دويم مقام خپل کړ.
د يادو سياليو موخه د فوټبال لوبو ته وده ورکول، د غوره استعدادونو موندل او ورزشي سياليو ته زمينه برابرول و، چې دوې مياشتې يې دوام وکړ.
