غور؛ چهارسده ولسوالۍ کې د دوو ميليونو افغانيو په ارزښت يو ورزشي جمنازيوم پرانيستل شو
د غور ولايت د بدني روزنې او ورزش امريت په همکارۍ او د توحيدي ورونو له لوري د ياد ولايت په چهارسده ولسوالۍ کې د دوو ميليونو افغانيو په ارزښت يو ورزشي جمنازيوم پرانيستل شو.
دغه ورزشي جمنازيوم ورزش ته د ودې په موخه د دولتي چارواکو، ورزشي مسوولينو، ورزشکارانو او د مينوالو په شتون کې جوړ او ګټې اخيستنې ته وسپارل شو.
د دغو سياليو د پيل مراسمو وروسته د څلورو لوبډلو ترمنځ د فوټسال سيالۍ هم ترسره شوې، چې د ياران فيروزکوه لوبډلې په اتلولۍ پای ته ورسېدې.
