هرات کې د فوټبال سي طلایي توپ پنځم پړاو جشنواره وشوه

په هرات کې د فوټبال سي طلایي توپ پنځم پړاو جشنواره د فوټبال سي میډیا له خوا د هرات ولایت د فوټبال فدارسیون په همکارۍ په هېواد کې د ۲۰۲۵ کال غوره فوټبال لوبغاړي، ځوان لوبغاړي، ګول وهونکي، لوبڅار او روزونکي د ټاکلو او ستایلو جشنواره وشوه.

په دغه جشنواره کې د ورزش ادارې او فوټبال فدراسیون فني او مسلکي مرستیال حافظ احمد جان ځدراڼ په خپلو خبرو کې خوښي وښوده او دا ډول پرګرامونه یې د ورزشکارانو په تشویق کې مهم وبلل. ترڅنګ یې له خپل اړخ څخه ډاډ څرګند کړ، چې د ورزش اداره به د تل په څېر له ورزشکارانو سره خپلو همکاریو ته دوام ورکوي او کوښښ به کوي، چې د افغانستان ورزش له نړۍ او سیمې سره سیال کړي.

یادو مراسمو کې د ملي لوبډلې لوبغاړی عليرضا پناهي د کال غوره لوبغاړی، د هرات سرخ پوشان خوافي لوبډلې روزونکی قاري یوسف مهندس زاده د کال غوره روزونکی، د سرخ پوشان خوافي ځوان لوبغاړی یاسر ساپی د کال ځوان غوره لوبغاړی او د سرخ پوشان خوافي ګول ساتونکی فیصل حمیدي د کال غوره ګول ساتونکی و نومول شو.