لغمان؛ الينگار ولسوالۍ کې د ۲۴ لوبډلو ترمنځ د واليبال سيالۍ پای ته ورسېدې
د لغمان ولايت د بدني روزنې او ورزش آمريت په همغږۍ، د واليبال فدراسيون د استازولۍ له لوري د الينگار ولسوالۍ په ادهار کلي کې د ۲۴ لوبډلو ترمنځ د واليبال سيالۍ د ادهار منتخبې لوبډلې په اتلولۍ پای ته ورسېدې.
د يادو سياليو پايلوبه کې ادهار منتخبې لوبډلې خپلې سيالې کندې منتخبې لوبډلې ته د ۳ پر ۱ ميدانونو په توپير ماتې ورکړه او اتلولي يې وگټله.
دا سيالۍ لوبغاړو ته د سالمې روزنې او تفريح برابرولو په موخه وشوې او ۱۴ ورځې يې دوام وکړ.
