افغان ووشوکار محمد طه اسحاقي د ووشو په اسیایي سیالیو کې د طلا مډال ګټونکی شو
د افغانستان د ووشو ملي لوبډلې لوبغاړي محمد طه اسحاقي د ووشو دولسم پړاو اسیایي سیالیو کې، چې د چين هېواد په کوربهتوب په شانک های ښار کې ترسره کېږي، د تالو سبک په تای چي جین فورم کې د سرو زرو مډال کټونکی شو.
له یادو سیالیو څخه افغان ورزشکارانو تر اوسه په تالو سبک کې دوه مډالونه(یو د طلا او یو د نقرې) او په ساندا سبک کې یو د برونزو مډال کټلی دی.
په دغو سیالیو کې له افغانستان څخه د ووشو اووه کسیزې لوبډلې ګډون کړی، چې پنځه ورزشکاران او دوه د اړوند فدراسیون استازي پکې شامل دي.
یادې سیالۍ د روانې میلادي میاشتې پر ۲۳مه پیل شوي او تر ۳۰ مې نېټې دوام کوي.
