غزني؛ اندړو ولسوالۍ کې د ٣٤ لوبډلو ترمنځ د فوټبال سیالۍ پای ته ورسېدې
د غزني ولایت د بدني روزنې او ورزش آمریت اړوند د فوټبال فدراسیون د استازولۍ له لوري د ياد ولايت په اندړو ولسوالۍ کې د ٣٤ لوبډلو ترمنځ د فوټبال سیالۍ د قلندري ستورو لوبډلې په اتلولي پای ته ورسېدې.
د دغو سیالیو پایلوبه د قلندري ستورو او کیهان ناني لوبډلو ترمنځ ترسره شوه، چې په پایله کې یې قلندري ستورو لوبډلې د ۵/۳ ګولونو په توپیر خپلې سیالې کیهان ناني لوبډلې ته ماتې ورکړه او اتلولي یې وګټله.
دا سیالۍ د نېکمرغه لوی اختر په مناسبت ترسره شوې چې یوه میاشت یې دوام وکړ او په پای کې اتلې لوبډلې ته یو عراده ٢٠٢٥ ماډل موټر سایکل د ډالۍ په توګه ورکړل شو.
