ننگرهار کې د ۵۰ ورزشکارانو ترمنځ د ځغاستې سيالۍ وشوې
د ننگرهار ولايت د بدني روزنې او ورزش رياست اړوند د اتلتيک فدراسيون د استازولۍ له لوري د ياد ولايت په مرکز جلال آباد ښار فوټبال مرکزي لوبغالي کې د ۵۰ ورزشکارانو ترمنځ د لومړي ځل لپاره د ځغاستې سيالۍ وشوې.
دغه سيالۍ، چې په ۱۵۰۰ متري واټن کې ترسره شوې، په پايله کې فريد الله لومړی، فرهاد صافي دويم او عاطف الله بيا درېيم مقام ترلاسه کړ.
د يادو سياليو موخه ورزش ته د ځوانانو هڅول و، چې يوه ورځ يې دوام وکړ.
