کندز؛ چهار درې ولسوالۍ کې د شپږو لوبډلو ترمنځ د والیبال سیالۍ پای ته ورسېدې
د کندز ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په چهار درې ولسوالۍ کې د شپږو لوبډلو ترمنځ د والیبال سیالۍ د امان الله میاخېل لوبډلې په اتلولي پای ته ورسېدې.
د دغو سیاليو په پایلوبه کې امان الله میاخېل لوبډلې د ۱۳/۱۷ نمرو په توپیر خپلې سیالې شېرزاد لوبډلې ته ماتې ورکړه او اتلولي یې وګټله.
دا سیالۍ په یاده ولسوالۍ کې د والیبال د نوي جوړ شوي لوبغالي د پرانیستې په موخه پیل شوې وې، چې یوه اوونۍ یې دوام وکړ.
