لوګر؛ مرکز پل علم ښار کې د ١٢ لوبډلو ترمنځ د والیبال سیالۍ پای ته ورسېدې
د لوګر ولایت د بدني روزنې او ورزش امریت اړوند د والیبال فدراسیون د استازولۍ له لوري او د النور شرکت په مالي ملاتړ د ياد ولايت مرکز پل علم ښار کې د ١٢ لوبډلو ترمنځ د والیبال سیالۍ د اتحاد کلنګار لوبډلې په اتلولۍ پای ته ورسېدې.
د یادو سیالیو پایلوبه د اتحاد کلنګار او استقلال کلنګار لوبډلو ترمنځ ترسره شوه، چې په پایله کې یې اتحاد کلنګار لوبډلې د ٣/٢ میدانونو په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې او په پای کې غورو لوبډلو ته کپونه، مډالونه او ستاینلیکونه ورکړل شول.
