غزني؛ مرکز کې د ۲۵ ورزشکارانو ترمنځ د اسکېټ سیالۍ ترسره شوې
د غزني ولایت د بدني روزنې او ورزش امریت اړوند د اسکېټ ملي فدراسیون د استازولۍ له لوري د یاد ولایت په مرکز کې د ۲۵ ورزشکاران ترمنځ په جمپ او استقامت سبک کې د اسکېټ سیالۍ ترسره شوې.
د دغو سیالیو په پایله کې له استقامت سبک څخه سهیل لومړی، محمد جواد دویم او ذبیح الله درېیم مقام او په جمپ سبک کې ادریس لومړی، سیدالرحمن دویم او قدرت الله بیا درېیم مقام ترلاسه کړ.
د سیالیو په پای کې د ورزش مسوولینو له لوري غوره ورزشکارانو ته چمتو شوې ډالۍ ورکړل شوې.
