کونړ کې د شل لوبډلو ترمنځ د ټېپ بال کرېکټ سیالۍ پای ته ورسېدې
د کونړ ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت مرکز اسعد آباد ښار په څاګي سیمه کې د شل لوبډلو ترمنځ د ټېپ بال کرېکټ سیالۍ د څاګي بازانو لوبډلې په اتلولي پای ته ورسېدې.
د یادو سیالیو پایلوبه د څاګي بازانو او څاګي ټایګرز لوبډلو ترمنځ ترسره شوه. د لوبې پچه څاګي بازانو لوبډلې وګټله او لومړی یې توپ وهنه وکړه، چې په ټاکلو اتو اورونو کې یې د دوو ویکټو په زیان خپلې سیالې لوبډلې ته د ١٨٢ منډو هدف وټاکه. څاګي ټایګرز لوبډلې د هدف په تعقیب کې د نهو ویکټو په زیان یوازې ٦٠ منډې وکړې او د ١٢١ منډو په توپیر یې لوبه وبایلله.
دا سیالۍ ورزش ته د ځوانانو د هڅولو او د ځوانانو ترمنځ د یووالي په موخه ترسره شوې، چې شل ورځې يې دوام وکړ.
