کونړ؛ اسعداباد ښار کې د ۱۵ لوبډلو ترمنځ د ټېپ بال کرکټ سيالۍ پيل شوې
د کونړ ولايت د بدني روزنې او ورزش آمريت اړوند د ټېپ بال کرکټ فدراسيون د استازولۍ له لوري د مرکز اسعداباد ښار په يارگل سيمه کې د ۱۵ لوبډلو ترمنځ د ټېپ بال کرکټ سيالۍ، د شمس لوبډلې په بريا پيل شوې.
د يادو سياليو لومړنۍ لوبه د شمس او مصطفی لوبډلو ترمنځ ترسره شوه، چې شمس لوبډلې د لوبې پچې په گټلو سره په ټاکلو اتو اورونو کې د شپږو لوبغاړو په سوځېدو سره سیالې لوبډلې ته د ۱۰۶ منډو هدف وټاکه، په مقابل کې مصطفی لوبډلې يواځې ۵۸ منډې وکړې او لوبه يې د ۵۲ منډو په توپير وبايلله.