کندز؛ په امام صاحب ولسوالۍ کې د ۷۰ چاپندازانو ترمنځ د وزلوبې سيالۍ ترسره شوې
د کندز ولايت د بدني روزنې او ورزش رياست اړوند د وزلوبې ملي فدراسيون د استازولۍ له لوري د ياد ولايت په امام صاحب ولسوالۍ کې د ۷۰ چاپندازانو ترمنځ د شمال ختيځ زون په کچه د وزلوبې سيالۍ ترسره شوې.
دغه سیالۍ چې دوې ورځې يې دوام وکړ، په پايله د ميدان حکم له لوري په لومړۍ او دويمه ورځ يو-يو اخرالاق اعلان شو، چې دواړه اخرالاقه ذبيح الله پهلوان د روح الله نظري په آس تر حلالې دايرې ورساوه او د سياليو گټونکی شو.
