کندز؛ امام صاحب ولسوالۍ کې د ۴۵ چاپندازانو ترمنځ د وزلوبې سیالۍ ترسره شوې
د کندز ولایت د بدني روزنې او ورزش ریاست اړوند د وزلوبې ملي فدراسیون د استازولۍ له لوري د یاد ریاست د امام صاحب ولسوالۍ په چهارشنګي ورزشي لوبغالي کې د ۴۵ چاپندازانو ترمنځ د وزلوبې سیالۍ ترسره شوې.
په دغو سیالیو کې د میدان حکم له لوري دوه اخرالاقه اعلان شول، چې دواړه اخرالاقه د محمد علي پهلوان له لوري تر حلالې دایرې ورسول او د ډالۍ ګټونکی شو.
د یادو سیالیو موخه د وزلوبې سیالیو ته وده ورکول او خلکو ته یوه سالمه تفریح برابرول و، چې یوه ورځ یې دوام وکړ.
