کابل کې د ۸۳ ورزشکارانو ترمنځ د مس ريسلینګ سيالۍ وشوې
د کابل ولايت د بدني روزنې او ورزش ریاست سره په همغږۍ د بدن ښکلا او فټنيس ملي فدراسيون له لوري د کابل ولايت له ۲۷ کلبونو څخه د ۸۳ ورزشکارانو ترمنځ د مس ريسلینګ پنځم پړاو سيالۍ وشوې.
دغه سيالۍ د ځوانانو او لويانو ورزشکارانو په عمري او له منفي ۶۰ څخه تر مثبت ۱۳۰ کيلوګرامه وزن په بېلابېلو وزني کټګوريو کې ترسره شوې، چې په پايله کې يې ۴۸ تنه د مس ريسلینګ راتلونکو ملي او نړيوالو سياليو ته غوره شول.
د ويلو ده، چې دغه سيالۍ د هېواد د المپيک ملي کميټې مرستيال او د بدن ښکلا او فټنيس ملي فدراسیون رئیس باور هوتک، ورزشي مسوولینو، ورزشکارانو او يو شمير مينوالو په شتون کې ترسره شوې، چې په پايله کې يې غوره شويو ورزشکارانو ته ستاينليکونه، مډالونه او کپونه ورکړل شول.
