کابل کې د ۲۰۰ ورزشکارانو ترمنځ د ګراسروټ فوټبال جشنواره ترسره شوه
د فوټبال ملي فدراسیون له لوري او د آسیايي فوټبال کنفدراسیون (کافا) سره په همغږي د فوټبال په ملي فدراسیون کې د پلازمېنې کابل له لسو لوبډلو د ۲۰۰ ورزشکارانو ترمنځ د ګراسروټ فوټبال ورزشي جشنواره ترسره شوه.
په دغه جشنواره کې د تنکیو ځوانانو او نویو ځوانانو په عمري کټګوریو کې ورزشکارانو ګډون کړی و، چې (فوټبال ته د ماشومانو د هڅولو) په نوم یې له یو بل سره ورزشي نمایشات ترسره کړل.
د دغې جشنوارې د پیل په مراسمو کې د فوټبال ملي فدراسیون رئیس محمد یوسف کارګر، د یاد فدراسیون رهبري غړو، ورزشکارانو او د ورزش مینوالو ګډون کړی و.
دغه جشنواره فوټبال ته د تنکیو ځوانانو او نویو ځوانانو د هڅولو په موخه ترسره شوه.
