کابل: د نجات غريق په نوم د لامبو وهلو درېیم پړاو ښوونيز سيمينار پيل شو
په کابل کې د نجات غريق په نوم د لامبو وهلو واټرپولو درېیم پړاو ښوونيز سيمينار پيل شو.
د نجات غريق په نوم دغه سيمينار د المپیک ملي کمیټې او ورزش ادارې سرپرست انجنیر نظرمحمد مطمئن، د المپيک ملي کمیټې اجرائیه رئیس الحاج دادمحمد پاينده اختري په شتون کې د کابل خروشان حوض په انګړ کې پرانیستل شو.
دغه سيمينار د نجات غريق ٣٥ استادانو په ګډون له غرقېدلو څخه د خلکو ژغورلو په موخه د قاسم علي حميدي، ډاکتر شعيب شعبان او حميدالله صافي استادانو له لورې د دوه ورځو لپاره پيل شو.
د دې سيمينار د پرانستې پر مهال د المپیک ملي کمیټې او ورزش ادارې سرپرست انجنیر نظرمحمد مطمئن په خپلو خبرو کې وويل؛ د دې ورکشاپ تر پاى ته رسېدو وروسته روزونکي چې دلته روزل کيږى بايد د هېواد په نورو ولايتونو کې د نورو خلکو لپاره د دې رشتې د تدريس ورکولو وړتيا هم ولري.
