کابل؛ له ۱۷ کلنو کم عمره ۱۴ کسيزه فوټسال ملي لوبډله بحرين ته روانه شوه

org_admin
یکشنبه ۱۴۰۴/۷/۲۷ - ۱۶:۱۲
کابل؛ له ۱۷ کلنو کم عمره ۱۴ کسيزه فوټسال ملي لوبډله بحرين ته روانه شوه

د المپیک، بدني روزنې او ورزش عمومي رياست اړوند د فوټبال ملي فدراسیون د فوټسال له ۱۷ کلنو کم عمره ۱۴ کسيزه ملي لوبډله او يو اته کسيز پلاوی، د ۲۰۲۵ نویو ځوانانو آسیايي سياليو درېيم پړاو کې د ګډون په موخه بحرین هېواد ته روانه شوه.

افغان فوټسال لوبډله به د دې سياليو په «الف» ګروپ کې د کوربه بحرين، ازبکستان او چين پر وړاندې د لوبې ډګر ته ښکته شي، چې خپله لومړۍ لوبه به د روانې ميلادي مياشتې پر ۲۴مه نېټه د ازبکستان پر وړاندې ترسره کړي.

د دې لوبډلې د مخې ښې په مراسمو کې د هېواد ورزش ادارې او فوټبال ملي فدراسيون فني او مسلکي مرستيال حافظ احمد جان ځدراڼ، د المپیکي چارو رئيس داد محمد پاينده اختري، د دې ادارې ورزشي سلاکار قاري حيات الله رحماني، د فوټسال کمېټې فني مرستيال فريد احمد يوسفزي او نورو ورزشي مسوولينو ګډون کړی و، چې ښاغلي ځدراڼ لوبغاړو ته د وينا پر مهال وويل، زه پر تاسو باور لرم، چې تاسو به په دې سياليو کې ښه ولوبېږئ او غوره لوبه به نندارې ته وړاندې کړئ.

دغه راز د المپیکي چارو رئيس داد محمد پاينده اختري وويل، موږ پوهېږو چې تاسو به له هغه سيالانو سره مخ شئ، چې له تاسو ښه امکانات لري، اما زه ستاسو په وړتيا باور لرم او هيله لرم، چې تاسو به خپلو سيالانو ته ماتې ورکوئ او ډک لاسه به هېواد ته راستنېږئ.

ټاکل شوې، چې د ۲۰۲۵ نویو ځوانانو آسیايي سیالۍ درېيم پړاو به د روانې اکتوبر میاشتې پر ۲۲مه نېټه د بحرین په کوربتوب له ۴۵ هېوادونو څخه د ۲۰۰۰ ورزشکارانو په ګډون پيل شي، چې له افغانستان څخه به په يادو سياليو کې د اتو بېلابېلو ورزشي رشتو ورزشکاران ګډون وکړي.

تازه خبرونه

پنجشنبه ۱۴۰۴/۸/۱ - ۱۱:۱۹
Background image

بلخ؛ دولت اباد ولسوالۍ کې د ۸۰ کورشکارانو ترمنځ د کورش سیمه ییزې سیالۍ وشوې

د بلخ ولایت د بدني روزنې او ورزش ریاست اړوند د کورش ملي فدراسیون د استازولۍ له لوري د یاد ولایت د دولت اباد ولسوالۍ په خیر اباد کې د ۸۰ کورشکارانو ترمنځ د کورش سیالۍ وشوې.

د دغو سیالیو. . .

پنجشنبه ۱۴۰۴/۸/۱ - ۱۱:۱۴
Background image

دایکندي؛ شهرستان ولسوالۍ کې د ۱۶ لوبډلو ترمنځ د فوټبال سیالۍ پای ته ورسېدې

د دایکندی ولایت د بدني روزني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په شهرستان ولسوالۍ کې د ۱۶ لوبډلو ترمنځ د فوټبال سیالۍ پای ته ورسېدې.

د دغو. . .

پنجشنبه ۱۴۰۴/۸/۱ - ۱۱:۱۲
Background image

د فوټسال له ۱۷ کلونو کم عمره ملي لوبډلې په دوستانه سیالۍ ټایلنډ ته ماته ورکړه

د فوټسال له ۱۷ کلونو کم عمره ملي لوبډلې په دوستانه سیالۍ کې تایلنډ ته د ۲ – ۰ ګلونو په توپیر ماته ورکړه.

دغه سیالي د ځوانانو ۲۰۲۵ اسیایي سیالیو ته د ښه چمتوالي په موخه د دواړو لوبډلو. . .

BACK TO NEWS