کابل؛ د ۴۰ ورزشکارانو ترمنځ د وزن پورته کولو سيالۍ پای ته ورسېدې
د بدني روزنې او ورزش عمومي رياست اړوند وزن پورته کولو فدراسيون له لوري د ياد فدراسيون په تمريناتي کلب کې د کابل د څلورو کلبونو د ۴۰ ورزشکارانو ترمنځ د وزن پورته کولو سيالۍ پای ته ورسېدې.
دغه سيالۍ چې دوه ورځې یې دوام وکړي په لسو وزنونو کې ترسره شوې او له مختلفو کلبونو څخه په مختلفو وزنونو کې ورزشکارانو لومړي، دویم او درېیم مقامونه ترلاسه شول.
د یادونې وړ ده چې د یادو سیالیو په پای کې غوره ورزشکارانو ته کپونه او ستاینلیکونه ورکړل شول.
