کابل؛ د زور خانه يي ورزشونو ملي فدراسيون ديارلس کسيزه ملي لوبډله ايران هېواد ته روانه شوه

org2_admin
پنجشنبه ۱۴۰۴/۷/۱۰ - ۱۱:۸
کابل؛ د زور خانه يي ورزشونو ملي فدراسيون ديارلس کسيزه ملي لوبډله ايران هېواد ته روانه شوه

د المپيک، بدني روزنې او ورزش عمومي رياست اړوند د زور خانه يي ورزشونو ملي فدراسيون ۱۳ کسيزه ملي لوبډله ( ۱۱ لوبغاړي او يو ۲ کسیز پلاوی) د زور خانه يي ورزشونو او د پهلوانۍ غېږنيونې د اسیا اتلولۍ سياليو اووم پړاو کې د ګډون په موخه ايران هېواد ته روانه شوه.

په دغه سياليو کې به د افغانستان په استازولۍ ۱۱ ورزشکاران له ۵۰ تر مثبت ۹۰ کيلو وزني کټګورۍ په دوه جلا برخو ټيمي او انفرادي کې د خپلو سيالانو پر وړاندې د سيالۍ ډګر ته ښکته شي.

د يادې لوبډلې د مخې ښې په مراسمو کې د هېواد د ورزش ادارې عمومي رياست عمومي رييس مولوي احمدالله وثيق ، د دې ادارې فني او مسلکي مرستيال حافظ احمد جان ځدراڼ او د نشراتو رئيس اتل مشواڼي ګډون کړی وو، چې ښاغلي احمدالله وثيق لوبغاړو ته په دغه سياليو کې د برياليتوب د دعا ترڅنګ د ډک لاس راستنيدو هيله وښوده.

د ۲۰۲۵ د زور خانه يي ورزشونو او پهلوانۍ غېږنيونې د اسيا اتلولۍ سياليو اووم پړاو لومړی پړاو به د افغانستان په ګډون د ۲۰ څخه زياتو هېوادونو ترمنځ د روان کال د اکتوبر میاشتې پر ۸مه نېټه د ايران هېواد په کوربتوب د دې هېواد په اروميه ښار کې پيل شي، چې د همدې میاشتې تر ۱۱مې نيټې به دوام وکړي.

تازه خبرونه

پنجشنبه ۱۴۰۴/۸/۸ - ۲۲:۴۷
Background image

د فوټسال له ۱۷ کلونو کم عمره ملي لوبډلې د اسيا سياليو قهرماني وګټله

د فوټسال له ۱۷ کلونو کم عمره افغان ملي لوبډلې د نويو ځوانانو درېيم پړاو اسيايي سياليو پايلوبه کې ايران ته د ۲ - ۱ ګولونو په توپير ماته ورکړه او په لومړي ځل يې د دغو سياليو قهرماني وګټله. . .

پنجشنبه ۱۴۰۴/۸/۸ - ۲۲:۴۵
Background image

کابل کې د ۱۳۰ ورزشکارانو ترمنځ د جمناسټیک ټاکنيزې سيالۍ پای ته ورسېدې

د کابل ولايت د بدني روزنې او ورزش رياست په همغږۍ او د جمناسټیک ملي فدراسيون له لوري د هېواد د ورزش ادارې په ۵۰۰ کسيز جمنازيوم کې د کابل ښار له ۲۰ کلبونو د ۱۳۰ ورزشکارانو ترمنځ د. . .

پنجشنبه ۱۴۰۴/۸/۸ - ۲۲:۴۴
Background image

کندز؛ قلعه زال ولسوالۍ کې د شپږو لوبدلو ترمنځ د والیبال سیالۍ پای ته ورسېدې

د کندز ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په قلعه زال ولسوالۍ کې د شپږو لوبډلو ترمنځ د والیبال سیالی د خان زاخېل لوبډلې په اتلولي. . .

BACK TO NEWS