کابل؛ د افغانستان اتلانو لیګ فوټبال سیالیو اووه دېرشمه او اته دېرشمه لوبه کې میوند اف سي بریا خپله کړه او د ابو مسلم فراه او عدالت فراه لوبه مساوي شوه
د افغانستان اتلانو لیګ په دوام کې اووه دېرشمه لوبه د ابو مسلم فراه او عدالت فراه لوبډلو ترمنځ او اته دېرشمه لوبه یې د میوند اف سي او جوانان واحدي لوبډلو ترمنځ ترسره شوه.
د دغو سیالیو اووه دېرشمه لوبه د عدالت فراه او ابو مسلم فراه لوبډلو ترمنځ صفر- صفر مساوي شوه او اته دېرشمه لوبه کې میوند اف سي لوبډلې د ۲/۰ ګولونو په توپیر جوانان واحدي لوبډلې ته ماتې ورکړه.
د افغانستان اتلانو لیګ درېیم پړاو سیالۍ شل ورځې مخکې د بدني روزنې او ورزش ریاست په همغږي د فوټبال فدراسیون له لوري د کابل او ولایتونو ۱۲ لوبډلو ترمنځ ترسره شوي دي چې دوې اوونۍ نور به هم دوام وکړي.
