پکتیکا؛ مرکز ښرنه کې د ۱۸ لوبډلو ترمنځ د فوټبال سیالۍ د سمیع الله لوبډلې په اتلولي پای ته ورسېدې
د پکتیکا ولایت د بدني روزنې او ورزش آمریت اړوند د فوټبال فدراسیون د استازولي له لوري د یاد ولایت مرکز ښرنه کې د ۱۸ لوبډلو ترمنځ د فوټبال سیالۍ د سمیع الله لوبډلې په اتلولي پای ته ورسېدې.
د یادو سیالیو پایلوبه د سمیع الله او افغان لوبډلو ترمنځ ترسره شوه، چې په پایله کې یې سمیع الله لوبډلې د دوه پر صفر ګولونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
یادې سیالۍ د ځوانانو ترمنځ د یووالی د رامنځته کولو په موخه ترسره شوې چې یوه اوونۍ یې دوام وکړ.
