پکتیکا؛ اومنې ولسوالۍ کې د ١١ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په اومنې ولسوالۍ کې د ١١ لوبډلو ترمنځ د ټېپ بال کرېکټ سیالۍ د شېردال ګلوال لوبډلې په اتلولي پای ته ورسېدې.
د یادو سیالیو پایلوبه د شېردال ګلوال او زواکې لوبډلو ترمنځ ترسره شوه. د لوبې پچه زواکې لوبډلې وګټله او لومړی یې توپوهنه وکړه، چې په ټاکلو شپږو اورونو کې یې د پنځو ویکټو په زیان خپلې سیالې لوبډلې ته د ٦٩ منډو هدف وټاکه. ګلوالې لوبډلې ټاکلی هدف د درېیوو ویکټو په زیان د لوبې په پنځم اور کې ترلاسه کړ او د اوو ویکټو په توپیر یې اتلولي وګټله.
دا سیالۍ ورزش ته د ځوانانو د هڅولو او د سالمې تفرېح برابرولو په موخه ترسره شوې، چې یوه اوونۍ یې دوام وکړ.
