پکتیا؛ مرکز ګردېز ښار کې د لسو ولایتونو ترمنځ د والیبال سیالۍ پیل شوې
د پکتیا ولایت د بدني روزنې او ورزش ریاست اړوند د والیبال فدراسیون د استازولي له لوري د یاد ولایت مرکز ګردېز ښار کې د لسو ولایتونو ترمنځ د والیبال سیالۍ پیل شوې.
په دغو سیالیو کې د پکتیا،کابل، لوګر، خوست، غزني، پکتيکا، کاپيسا، ننګرهار، لغمان او ميدان ورګو ولایتونو څخه ۳۰ لوبډلو ګډون کړی دی چې لومړۍ لوبه کې یې نیازي کلا لوبډلې خپلې سیالې د پکتیا اړوند فرهاد حبیبي لوبډلې ته د ۳ پر صفر میدانونو په توپیر ماتې ورکړه او د سیالیو لومړۍ بریا یې په خپل نوم ثبت کړه.
ټاکل شوې چې دغه سیالۍ به یوه میاشت دوام وکړي.
