پکتیا؛ خوازکو ځوانانو لوبډلې د "خپلواک افغانستان" په نوم د واليبال سياليو اتلولي وګټله
د پکتیا ولایت د ورزش ریاست په همغږۍ د واليبال فدراسيون له لوري د "خپلواک افغانستان" په نوم د واليبال سيالۍ چې د ٣٢ لوبډلو ترمنځ ١٨ ورځې وړاندې پيل شوې وې د خوازکو ځوانانو لوبډلې په اتلولي پاى ته ورسېدې.
په دغو سياليو کې چې د پکتیا، غزني، خوست، پکتيکا او لوګر ولایتونو د واليبال لوبډلو ګډون درلود پايلوبې ته يې د پکتیا خوازکو ځوانانو او نيازيو زلمو لوبډلو لار پیدا کړه، چې د خوازکو ځوانانو لوبډلې د ٣-٠ ميدانونو په توپیر خپل سيال ته ماتې ورکړه او د دې سياليو اتلولي يې خپله کړه.
په پاى کې د پکتیا د ورزش ریاست له لوري ګټونکې لوبډلې ته يو عراده موټر سايکل، ورزشي جامې او مډالونه ورکړل شول.
