هلمند؛ ګرشک ولسوالۍ کې د ٢٤ لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په ګرشک ولسوالۍ کې د ٢٤ لوبډلو ترمنځ د ټېپ بال کرېکټ سیالۍ د ګرشک ځوانانو لوبډلې په اتلولي پای ته ورسېدې.
د یادو سیالیو پایلوبه د ګرشک ځوانانو او اریانا لوبډلو ترمنځ ترسره شوه. د لوبې پچه ګرشک ځوانانو لوبډلې وګټله او لومړی یې توپوهنه وکړه، چې په ټاکلو لسو اورونو کې یې خپلې سیالې لوبډلې ته د ١٢١ منډو هدف وټاکه. اریانا لوبډلې د هدف په تعقیب کې د شپږو ویکټو په زیان ١٠٢ منډې وکړې او د ١٨ منډو په توپیر یې لوبه وبایلله.
دا سیالۍ ورزش ته د ځوانانو د هڅولو او د سالمې تفرېح برابرولو په موخه ترسره شوې، چې ٢٦ ورځې یې دوام وکړ او په پای کې اتلې لوبډلې ته یو عراده سیونټي موټرسايکل ورکړل شو.
