پکتیکا؛ ارګون ولسوالۍ کې د ۲۴ لوبډلو ترمنځ د فوټسال رمضان جام سیالۍ پای ته ورسېدې
د پکتیکا ولایت د بدني روزنې او ورزش امریت اړوند د والیبال فدراسیون د استازولۍ له لوري د ياد ولايت په ارګون ولسوالۍ کې د ۲۴ لوبډلو ترمنځ د فوټسال رمضان جام سیالۍ د خاندار یوولس ستورو لوبډلې په اتلولي پای ته ورسېدې.
یادو سیالیو پایلوبه د خاندار یوولس ستورو او عبدالولي ګلشاخېل لوبډلو ترمنځ ترسره شوه، چې په پایله کې یې خاندار یوولس ستورو لوبډلې د ٧/٣ ګولونو په توپیر خپلې سیالې لوبډلې ته ماتې ورکړه.
دا سیالۍ د سیمې ځوانانو ته د سالمې تفرېح برابرولو په موخه ترسره شوې، چې ١٢ ورځې یې دوام وکړ.
