هلمند؛ په گرمسېر ولسوالۍ کې د ۱۴ لوبډلو ترمنځ د فوټبال سيالۍ پای ته ورسېدې
د هلمند ولايت د بدني روزنې او ورزش آمريت اړوند د فوټبال فدراسيون د استازولۍ له لوري د گرمسېر ولسوالۍ په صفار حوزه کې د ۱۴ لوبډلو ترمنځ د ځوانانو سالم مصروفیت په موخه د فوټبال گروپي سيالۍ، چې يوه مياشت مخکې پيل شوې وې، د گرمسېر سيلاب لوبډلې په اتلولۍ پای ته ورسېدې.
د يادو سياليو په پايلوبه گرمسېر سيلاب لوبډلې خپلې سيالې بنادر لوبډلې ته د ۱ پر صفر گول په توپير ماتې ورکړه او اتلولي يې خپله کړه.
د يادونې وړ ده، چې د دغو سياليو غوره لوبغاړی رحمت الله، غوره گول وهونکی نياز محمد او غوره گول ساتونکی بيا سيد ولي ونومول شول.
