ننگرهار؛ په بټي کوټ ولسوالۍ کې د ۳۰ لوبډلو ترمنځ د واليبال سيالۍ پای ته ورسېدې
د ننگرهار ولايت د بدني روزنې او ورزش رياست په همکارۍ د ياد ولايت په بټي کوټ ولسوالۍ کې د ۳۰ لوبډلو ترمنځ هېواد ته د خدمت کولو او يووالي په موخه د واليبال سيالۍ، چې دوې اوونۍ مخکې پيل شوې وې، د بټي کوټ منتخب لوبډلې په اتلولۍ پای ته ورسېدې.
د يادو سياليو په پايلوبه کې بټي کوټ منتخب لوبډلې خپلې سيالې روداتو قعله لوبډلې ته د ۲ پر ۱ میدانونو په توپير ماتې ورکړه او اتلولي يې په خپل نوم کړه.
د يادونې وړ ده، چې د دغو سياليو په پای کې اتلې لوبډلې ته د اتلولۍ جام ورکړل شو.
