ننگرهار؛ سرخرود ولسوالۍ کې د سوک وهنې سيالۍ وشوې
د ننگرهار ولايت د بدني روزنې او ورزش رياست په همغږۍ او د سوک وهنې فدراسيون د استازولۍ له لوري د ياد ولايت په سرخرود ولسوالۍ کې د ۳۰ ورزشکارانو ترمنځ د سوک وهنې سيالۍ وشوې.
دغه سيالۍ د ځوانانو او لويانو په عمري کټگوریو کې ترسره شوې، چې په پايله کې ۱۵ تنو خپلو سيالانو ته په ماتې ورکولو سره برياوې خپلې کړې.
دا سيالۍ د ورزشکارانو د استعداد لوړونې په موخه ترسره شوې، چې يوه ورځ يې دوام وکړ.
