ننګرهار؛ په ګوشتې ولسوالۍ کې د ۴۰ لوبډلو ترمنځ د ټېپ بال کرېکټ سيالۍ پای ته وسېدې
د ننګرهار ولایت د بدني روزنې او ورزش ریاست اړوند ټېپ بال کرېکټ فدراسيون د استازولۍ له لوري د ياد ولايت په ګوشتې ولسوالۍ کې د ۴۰ لوبډلو ترمنځ د ټېپ بال کرېکټ سيالۍ، دعوض کينګ لوبډلې په اتلولۍ پای ته ورسېدې.
د دغو سياليو پايلوبه د عوض کينګ او مومند سټار لوبډلو ترمنځ ترسره شوه، د عوض کينګ لوبډلې د پچې په ګټلو سره د توپ وهنې پرېکړه وکړه، چې په ټاکلو اتو اورونو کې د دوو لوبغاړو په سوځېدو سره مقابلې لوبډلې ته د ۱۵۷ منډو هدف وټاکه. په ځواب کې د مومند سټار لوبډلې د ټولو لوبغاړو په سوځېدو سره ۸۵ منډې جوړې کړې او د ۷۱ منډو په توپير يې لوبه وبایلله.
د يادو سياليو موخه د ورزش ته د ځوانانو هڅول وو، چې يوه مياشت يې دوام وکړاو په پای کې لومړي مقام ګټونکي لوبډلې ته يو عراده بايسکل ورکول شو.
