میدان وردګ؛ مرکز میدان ښار کې د شپږو لوبډلو ترمنځ د فوټبال لیګ سيالۍ پای ته ورسېدې
د میدان وردګ ولايت د بدني روزنې او ورزش آمريت اړوند د فوټبال فدراسيون د استازولۍ له لوري د یاد ولایت مرکز میدان ښار کې له ۱۴ کلنو د کم عمره شپږو لوبډلو ترمنځ د فوټبال لیګ سيالۍ د قهرمان لوبډلې په اتلولي پای ته ورسېدې.
د يادو سياليو په پای کې سپین غر لوبډلې د ۱۴ نمرو په ترلاسه کولو سره لومړی او امید وطن لوبډلې د ۸ نمرو په ترلاسه کولو سره دویم مقام ترلاسه کړ.
دا سیالۍ ورزش ته د ځوانانو د هڅولو په موخه ترسره شوې، چې یوه میاشت یې دوام وکړ.
