میدان وردګ؛ سیدآباد ولسوالۍ د اوو ښوونځيو ترمنځ د والیبال سیالۍ پای ته ورسېدې
د میدان وردګو ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت په سید آباد ولسوالۍ کې د اوو ښوونځیو ترمنځ د والیبال سیالۍ د کفتان تاج محمد خان لېسې لوبډلې په اتلولي پای ته ورسېدې.
په دغو سیالیو کې د کفتان تاج محمد خان، هفت آسیا، باغک، عمر ولی، آبدري، خالدبن ولید او سیداباد ښوونځیو لوبډلو ګډون کړی و، چې په پايله کې یې کفتان تاج محمد خان لېسې د ۳ پر یو میدان په توپیر خپلې سیالې محمد خان لېسې لوبډلې ته ماتې ورکړه او د سیالیو اتلولي یې په خپل نوم کړه.
دا سیالۍ د ښوونځيو د زده کوونکو ترمنځ د سالم رقابت او همغږي په موخه پیل شوې وې، چې یوه نیمه میاشت یې دوام وکړ.
