لوگر؛ برکي برک ولسوالۍ کې د ۳۳ لوبډلو ترمنځ د واليبال سيالۍ پای ته ورسېدې
د لوگر ولايت د بدني روزنې او ورزش آمريت اړوند د واليبال فدراسيون د استازولۍ له لوري د برکي برک ولسوالۍ په برکي راجان سيمه کې د مرکز او ولسواليو د ۳۳ لوبډلو ترمنځ د واليبال سيالۍ، چې شاوخوا يوه نيمه مياشت مخکې پيل شوې وې د لوگر اتلانو لوبډلې په اتلولۍ پای ته ورسېدې.
د يادو سياليو په پايلوبه کې لوگر اتلانو لوبډلې خپلې سيالې فهيم محمد اغې لوبډلې ته د ۳ پر ۰ ميدانونو په توپير ماتې ورکړه او اتلولي يې په خپل نوم کړه.
د يادولو وړ ده، چې د دغو سياليو موخه په يادې ولسوالۍ کې واليبال ورزش وده ورکول او له نشه يي توکو څخه د ځوانانو ليرې والی وو.
