زابل کې د اووه لوبډلو ترمنځ د فوټبال غوره ليگ سيالۍ پيل شوې
د زابل ولايت د بدني روزنې او ورزش آمريت اړوند د فوټبال فدراسيون د استازولۍ له لوري د ياد ولايت په مرکز قلات ښار کې د اووه لوبډلو ترمنځ د ۲۰۲۵ کال فوټبال غوره ليگ سيالۍ پيل شوې.
د يادو سياليو په لومړنۍ لوبه کې هريرود لوبډلې خپلې سيالې استقلال لوبډلې ته د ۲ پر ۰ گولونو په توپير ماتې ورکړه او بريا يې په خپل نوم کړه.
د ويلو وړ ده، چې دغه سيالۍ به شاوخوا يوه نيمه مياشت دوام وکړي.
