زابل؛ په شاجوی ولسوالۍ کې د شپږو لوبډلو ترمنځ د واليبال سيالۍ پای ته ورسېدې
د زابل ولايت د بدني روزنې او ورزش آمريت اړوند د واليبال فدراسيون د استازولۍ له لوري د ياد ولايت په شاجوی ولسوالۍ کې د شپږو لوبډلو ترمنځ د خپلواکۍ د ۱۰۵ کليزې په مناسبت د واليبال سيالۍ، چې يوه اوونۍ مخکې پيل شوې وې، د چينې لوبډلې په اتلولۍ پای ته ورسېدې.
په دغو سياليو کې د باب هوتک، چينه، هولان رباط، لوړه چينه، ابراهيم کاکا او بازار لوبډلو گډون کړی وو، چې په پايلوبه کې چينې لوبډلې خپلې سيالې لوړې چينې لوبډلې ته د ۱/۲ ميدانونو په توپير ماتې ورکړه او اتلولي يې خپله کړه.
